02 May, 2025

Tabaterra Dünya Yer Günü münasibətilə Ağdamda ağacəkmə aksiyası keçirdi

22 Aprel — Dünya Yer Günü münasibətilə Tabaterra əməkdaşları bir araya gələrək ağacəkmə aksiyasında iştirak etdilər. Tədbir, işğaldan azad olunmuş və bu gün dirçəliş mərhələsindən keçən Ağdam şəhərində, yeni fabrikimizin ərazisində baş tutdu.

Bu təşəbbüs, şirkətimizin ətraf mühitin qorunması və cəmiyyətin davamlı inkişafına verdiyi önəmi əks etdirir. Ağdamda ağac əkməklə biz təkcə daha yaşıl bir gələcəyə töhfə vermədik, həm də böyük ümid və imkanlarla dolu bir regionun bərpasına rəmzi dəstəyimizi göstərdik.

Aksiyada iştirak edən bütün əməkdaşlarımıza təşəkkür edir, insanlara və planetimizə hörmət edən, məsuliyyətli və davamlı inkişafa sadiqliyimizi bir daha vurğulayırıq.