20 October, 2025

Tabaterra “Qarabağın dirçəlişi və Azərbaycanın yeni inkişaf modeli” mövzusunda panel müzakirəsində iştirak etdi

Tabaterra “Qarabağın Dirçəlişi və Azərbaycanın Yeni İnkişaf Modeli” mövzusunda keçirilən panel müzakirəsində iştirak edib. Tədbir “Rebuild Karabakh – 2025” sərgisi çərçivəsində təşkil olunub və Qarabağ Dirçəliş Fondu tərəfindən təşkil edilən bu müzakirə dövlət, biznes və inkişaf qurumlarının nümayəndələrini bir araya gətirərək azad edilmiş ərazilərin bərpası və dayanıqlı inkişafı istiqamətində fikir mübadiləsi aparmaq üçün platforma yaradıb.

Tabaterra MMC-nin direktoru Elman Cavanşir paneldə Qarabağ Dirçəliş Fondu, İqtisadi İslahatların Təhlili və Kommunikasiya Mərkəzi, Dövlət Şəhərsalma və Arxitektura Komitəsi, Caspian Event Organisers və PMD Group şirkətinin nümayəndələri ilə birgə iştirak edib.

Müzakirələrdə dövlət və özəl sektor əməkdaşlığının Qarabağın iqtisadi, sosial və mədəni mərkəzə çevrilməsində rolu ön plana çəkilib.

Tədbirin sonunda Qarabağ Dirçəliş Fondu tərəfindən panel iştirakçılarına xatirə lövhələri, sertifikatlar və Zəfər Günü ərəfəsini simvolizə edən zeytun ağacı tingləri təqdim olunub.